Pa rodaxes, grabaciones o sesiones fotográfiques en dalgún de los parques naturales del territoriu asturianu (PARQUE NATURAL DE SOMIEDU, PARQUE NATURAL DE REDES, PARQUE NATURAL DE FONTES DEL NARCEA, DEGAÑA Y IBIAS, PARQUE NATURAL DE PONGA Y PARQUE NATURAL DE PENUBINA-LA MESA), ha rellenase esti modelu y facelu llegar vía rexistru oficial (bien online, al traviés de rexistru telemáticu oficial o presencial) al Serviciu d’Espacios Protexíos de la Conseyería de Mediu Rural y Cohesión territorial. 

Más información, equí. 

Nel casu del PARQUE NACIONAL DE LOS PICOS D’EUROPA, ha rellenase esti modelu y facelu llegar vía e-mail a registro@pnpeu.es.

Más información, equí. 

Tocante a ESPACIOS NATURALES PROTEXÍOS ha rellenase esti modelu y facelu llegar vía rexistru oficial (bien online, al traviés de rexistru telemáticu oficial, o presencial) al Serviciu d’Espacios Protexíos de la Conseyería de Mediu Rural y Cohesión territorial. Estos espacios abarquen les categoríes que vienen darréu: ZEPA (Zona Especial Protección Aviar), ZEC (Zona Especial de Conservación), RAMSAR (Convención Relativa a les Zones Húmedes d’Importancia Internacional), Reserves de la Biosfera y, p’acabar, Espacios de la Rede Rexonal d’Espacios Naturales Protexíos.

Más información, equí.

IMPORTANTE. Consultar apartáu VUELOS DE DRON no relativo a grabación con esi mediu en zona natural protexida.

Pa rodaxes, grabaciones o sesiones fotográfiques en dominiu públicu marítimo-terrestre (playes y franxa costera), ha rellenase esti modelu y facelu llegar vía rexistru oficial (bien online, al traviés de rexistru telemáticu oficial, o presencial) a la Demarcación de Costes n’Asturies. L’autorización de la Demarcación de Costes va ser necesaria siempre, sacando aquellos casos nos que nun se vaiga ocupar el dominiu públicu marítimo-terrestre con obres o instalaciones (fixes nin desmontables) nin s’acuten espacios; y se retiren tolos elementos usaos n’acabando l’actividá. Nestos supuestos, l’actividá nun se considera suxeta al réxime d’autorizaciones o permisos conteníos na Llei 22/1988, de Costes, lo que diba facer innecesariu’l trámite d’autorización pertinente pola Demarcación.

Más información, equí.

IMPORTANTE. Consultar apartáu VUELOS DE DRON no relativo a grabación con esi mediu en zona costera protexida.

Pa rodaxes, grabaciones o sesiones fotográfiques en carreteres locales, comarcales, rexonales o nacionales, han tener los permisos de les alministraciones competentes tocante a la titularidá y caltenimientu, amás d’a regulación del tráficu y apoyu de la fuercia del orde, llegáu’l casu de cortes del tráficu rodao na vía.

Tocante a titularidá, pues consultar nesti enllaz el mapa* de carreteres d’Asturies: MAPA DE CARRETERES.

*Sobre la lleenda en mapa:

  • Víes marcaes en blancu (otres carreteres: titularidá local (conceyos).
  • Víes marcaes en naranxa, verde y mariellu (redes rexonales, comarcales y locales): titularidá autonómica (Serviciu de Conservación y Esplotación de Carreteres de la Conseyería de Mediu Rural y Cohesión Territorial del Gobiernu del Principáu d’Asturies).
  • Víes marcaes en coloráu, autopistes y autovíes*: titularidá estatal (Ministeriu de Tresportes y Mediu Ambiente). *Escepciones: AS-I, AS-II y AS-17 (parcial), titularidá autonómica.

Tocante a cortes permanentes o intermitentes de tráficu, ha solicitase l’autorización a la Xefatura Provincial de Tráficu n’Asturies. Pues facer el trámite siguiendo’l modelu específicu y indicaciones dispuestes equí. En casu d’aprobase, va derivase a la fuercia del orde competente na zona solicitada.

Más información, equí. 

Pa rodaxes, grabaciones o sesiones fotográfiques con participación de menores de 16 años, ha rellenase esti modelu y facelu llegar vía rexistru oficial (bien online, al traviés de rexistru telemáticu oficial, o presencial) al Serviciu de Rellaciones Llaborales del Gobiernu del Principáu d’Asturies. Como nun hai una llexislación específica al respective nel Principáu d’Asturies, la normativa básica de cumplimientu ha ser la vixente en territoriu nacional tocante a artistes n’espectáculos públicos, prevención de riesgos llaborales y Estatutu de los Trabayadores.

Más información, equí.

Pa rodaxes, grabaciones o sesiones fotográfiques con participación d’animales nel set, ha rellenase esti modelu y facelu llegar vía rexistru oficial (bien online,  al traviés de rexistru telemáticu oficial, o presencial) a la Dirección Xeneral de Ganadería y Sanidá Animal del Gobiernu del Principáu d’Asturies. Amás del modelu mentáu, habrá axuntase un informe de descripción del proyectu (en qué consiste, condiciones y duración del mesmu), díes de celebración y llugar, llista d’animales (númberu y especies) y identificación y orixe de los animales. 

Más información, equí.

Pa rodaxes, grabaciones o sesiones fotográfiques na redolada y instalaciones d’estaciones de tren, apeaderos y otres infraestructures de RENFE / FEVE, ha contactase con ADIF al traviés d’esti formulariu o bien vía mail a rodajes@adif.es. La ocupación d’espacios xestionaos por ADIF deriva nun costu estipuláu con tarifariu públicu, consultable equí.

Más información, equí. 

Pa rodaxes, grabaciones o sesiones fotográfiques na redolada y instalaciones del Aeropuertu d’Asturies, ha contactase cola Sección de Servicios y Comercial del Aeropuertu d’Asturies (AENA) vía mail a info-ovd@aena.es. AENA estipula y actualiza anualmente’l so tarifariu d’ocupación pa proyectos audiovisuales, que pues consultar equí (página 54).

Más información, equí.

IMPORTANTE. Consultar apartáu VUELOS DE DRON no relativo a grabación con esi mediu en zona restrinxida d’influencia aeroportuaria.  

L’usu d’aeronaves civiles pilotaes por control remotu, drones, ta reguláu pola Axencia Estatal de Seguranza Aérea (AESA), dependiente del Ministeriu de Fomentu.

Tou operador d’un dron profesional ha tar acreitáu y va ser el so deber adecuar los sos documentos y procedimientos a los marcos llegales qu’apaezan nuevos, y habrá velar pola so aplicación, amás de por posibles requerimientos d’AESA, nel marcu de les inspecciones de control normativu que pudieren llevase a cabu.

Más información y normatives, equí.  

Pa rodaxes, grabaciones o sesiones fotográfiques n’Asturies qu’usen drones, ha comprobase que’l vuelu nun se fai sobre zones prohibíes, restrinxíes o protexíes al vuelu de dron. 

N’Asturies hai abondes zones de protección natural o ambiental (véase ZEPA, ZEC, RAMSAR, Reserves de la Biosfera, Espacios de la Rede Rexonal d’Espacios Naturales Protexíos, etc.), amás d’aeropuertu, aeródromu, helipuertos y puertos. En cualquiera d’estos supuestos, ha cuntase cola autorización de l’alministración o organismu competentes.

Pues consultar la zonificación y los organismos vinculaos a les autorizaciones na páxina oficial de drones d’ENAIRE o en ferramientes asemeyaes como ICARUSPA.