Cola mira de fomentar y promocionar el sector cinematográficu y audiovisual del Principáu y poner en contactu a los técnicos y profesionales de la industria audiovisual asturiana con empreses del sector de dientro y fuera de la nuestra comunidá, Asturies Paraísu Natural Film Commission dispón d’un directoriu online de profesionales y empreses del sector audiovisual con base n’Asturies.
Esta base de datos ta abierta, amás, a otres empreses de servicios auxiliares a los rodaxes como provisores locales d’arriendu d’equipos, tresporte, agospedamientu o catering, ente munchos otros.
Toles empreses y profesionales que quieran inscribise nesti directoriu van tar na obligación de, baxo petición espresa d’Asturies Paraísu Natural Film Commission, presentar documentación acreitativa sobre la so formación, esperiencia o residencia n’Asturies. La pertenencia a esti directoriu ta destinada única y esclusivamente a profesionales y empreses que residan y/o tengan sede demostrable nel Principáu d’Asturies. Cualquier solicitante qu’incumpla esti requisitu va descartase automáticamente.