A lo llargo de los años, el Principáu foi escenariu en bien d’ocasiones de rodaxes de películes, series y anuncios de televisión. Asturies tien bayura de recursos atractivos, tanto naturales como patrimoniales, que suponen escenarios perfectos pa la localización d’emplazamientos pa cine y tv. Mar y monte, conxuntos históricos y edificios modernos, mates y ríos, playes y cantiles, palacios y arquitectura industrial...
Asturies Paraísu Natural Film Commission, dende la so creación en mayu del 2016, collaboró nel rodaxe y grabación de munches producciones de cine, series, programes de televisión, publicidá, videuclips y demás formatos audiovisuales, cola mira de promover y consolidar la rexón como escenariu pa rodaxes y grabaciones, fomentando tanto’l desenvolvimientu de la industria audiovisual asturiana como’l turismu cinematográficu y cultural del Principáu.
¿Quies saber qué títulos escoyeron Asturies como set de rodaxe? ¿Prestábate conocer localizaciones pa los tos proyectos?